Allah se Dua mangne Ka Tarika


  • #ALLAH SE DUA MANGNE KA SAHI TARIKA

Md Sajid Khan

        JAB HUM ALLAH SE DUA MAANGE TO KAISE MAANGE.HAMARI WORDING SAHI HONI CHAYYE YA,IMAGINATION YA CONCENTRATION YA SPRITUAL POWER YA CONFIDENCE.YA DARR AUR TENSION LEKAR…..AUR KAONSA WAQT SAB SE ZYADA AFZAL HAI DUA MAANGNE KE LIY.?

Aap ka sawal:
Jab hum allah se dua maange to kaise maange.hamari wording sahi honi chayye ya,imagination ya concentration ya spritual power ya confidence.ya darr aur tension lekar…..aur kaonsa waqt sab se zyada afzal hai dua maangne ke liy.?
Jawab:
Aayiye sab se pehle hum dua ka tareeqa aur uske aadab jan lete hain.
Dua ka tareeqa:
—————-
1. Sab se pehle allah ki khub tareef karna.
2. Fir hazrat mohammad mustafa s.a.w. par darood bhejna.
3. Fir jo chahein dua mangana.
Yehi dua ka tareeqa hai. Agar iss tareeqe se dua na mangi jaye to dua qubul nahee hogi.
Dua ke aadab:
————–
1. Dua ummeed aur khauf ke saath mangi jaye. Ummeed iss baat ki ke mera allah dua zaroor qubul karega aur khauf iss baat ka ke allah ki pakad badi sakt hai. Aur wo apni marzi ka malik hai. Chahe to dua qubul kare ya chahe to radd kar de.
2. Dua mein radeef qafiya istemal na karein.
Yani dua ko sher wa shayari ke andaz mein na mange. Nabi s.a.w. ne sahee bukhari ki hadith mein iss se mana kiya hai.
3. Dua mein jaldi na karein.
Yani dua ki qubuliyat ki jaldi na machayein. Nabi s.a.w. ne farmaya hai ke jo dua mein jaldi karta hai uski dua qubul nahee hoti (bukhari wa muslim).
Kab kya diya jaye aur kis se roka jaye ye allah hakeem bada janta hai hum nahee jante.
4. Dua mein maut ki aarzu nahee karna chahiye. Agar kabhi zindagi se bezar ho jayein aur shaitani wasaawiss aa rahe hoon marne ke liye to aise waqt iss tarah dua karein
Aye allah zinda rakh jab tak zindagi mere liye behtar hai.
Aur maut de, jab maut mere liye behtar ho.
5. Dua apni madri zuban mein karni chahiye taake wo dua dill se nikale. Agar kisi aisi zuban mein dua karein jo humein nahee aati hai to zahir si baat hai wo dua dill se nahee nikalegi. Sirf zuban se hogi.
6. Dua mein nabi s.a.w. ki dua’aun ka istemal bhi karna chahiye. Kyunke aise alfaz hum sonch bhi nahee sakte. Magar hamare nabi s.a.w. humein sikha kar gaye hain.
Behtar ye hai ke hadith ki arabi istemal karein uske tarjume ke saath. Agar aisa na kar sakein to sirf uska tarjuma hi istemak karein.
7. Khususi dua agar kar rahe hoon to apne haath utha kar dua karein.
8. Dua mein allah ke naam aur sifaat ka istemal karein iss se dua jaldi qubul hoti hai.

Comments

@ Favorite post @

MUHAMMAD S.A.W KA FARMAANS ALLAH KA HUQUM HAI

Shadi Ki Pahli Raat Dulha Aur Dulhan Ke Bare me

HAZRAT MUHAMMAD S.A.W HAZRAT ALI SE FARMATE HAIN

Meraaj ka ka pura waqiya huzoor S.A.W